Un'ora de bon tempo suga la strada
Tuto ven par el caldo
Tempesta seca, a chi la toca la beca
Quando la luna g'ha 'l culo a mogia, piove vogia o no vogia
Quando el galo canta zo de ora, doman no xe più 'l tempo de sta ora.
No se pol dir bel zorno, se no xe sera
No nevega mai tanto che 'l sol no descoverda
Marzo g'ha comprà la pelizza a so madre, e tre dì dopo el l'ha vendua
La piovisina ingana el vilan, par che no piova e la passa 'l gaban
La piova pian pian, la fota el vilan
La piova lenta xe quela che bagna
La neve deçembrina disisete volte la se rafina
L'inverno se non 'l morsega coi denti, el dà co la coa
L'acqua va drio al fresco
I temporai più grossi i vien a l'improviso
I ordeni de la marina dura da la sera a la matina
Febraro curto e amaro
El caligo purga el tempo
