La neve de genàro par la tèra la xe un bon tabàro
La Madòna Candelòra, se la vièn co’ piòva e bòra, de l’invèrno sèmo fòra, se la vièn col bèl tèmpo, de l’invèrno sèmo drènto
El sol sùla nève ghe ne ciàma un’àltra
Par San Valentìn de febràro, i uşèi va in pàro
Febràro càldo, primavèra frèda
Màrso sùto, avrìl bagnà, beàro contadìn che ga semenà
La nève marsolìna la dùra dèla sèra àla matìna
Màrso mòle, gràn par le sòpe
Piòva de avrìl impènisi el barìl e còlma el fenìl
Val più ‘na piòva de avrìl che Venèsia co’ sùo campanìl
Se pìovi par la Sènsa, par quarànta şòrni sèmo sènsa
Avrìl no’ te scoprìr, màjo adàşio, şùgno se te par bùta şò el codecùgno
Par San Benedèto i rondòni sul tèto
Se màjo xe in calìgo, se pèrdi la vìda e el fìgo
Màjo sùto, formènto par dùto
Màjo piovòşo, ‘sài pàja e grà şvòdo
Se piòvi par San Barnàba, l’ùa biànca se ne và
Se de agòsto la nòte no’ ga le stèle, el şòrno drìo piòva a mastèle
San Lorènso gran calùra, San Vinsènso gran fredùra, l’ùna e l’àltra pòco dùra
