Quandu vene u sole d'aprile, [/] Mette gioa in u stazzile
Ciriola, ciriola, [/] S'ellu venta o s'ellu piove [/] Di l'invernu semu fora [/] Ma s'ellu hè sole è bellu tempu [/] Per trenta ghjorni semu dentru
Ùn ci hè sabbatu senza sole [/] Ùn ci hè pratu senza fiore [/] Ùn ci hè donna senza amore
Sole è freddu marzulinu entrenu in corne buine
U sole marzulinu di i vechji ne face u sterminiu
In di i mesi cun l'"erra" [/] Marchja à u sole è ùn pusà in terra
Vale più un ghjornu di ventu chè trè di sole
Dopu u gattivu tempu u sole luce
Sole scalda, terra nutrisce